سوشل میڈیاہس پیٹھ چھِ پاکستانکُ 75 روپیہ نوٹ وائرل گژھان۔ اتھ متعلق چُھ یوان وننہ زہِ اَتھ نوٹس پیٹھ چھ عبارت ‘رزقِ حلال عین عبادت’ آمژ ہٹاونہ۔
فیس بُک، ٹویٹر علاو چُھ نوٹس متعلق یوٹیوبس پیٹھ تہ دعویٰ یوان کرنہ زہِ پاکستان حکومتن چُھ ‘رزقِ حلال عین عبادت’ عبارت 75 روپیہ نوٹ پیٹھ ہٹآؤ مژ۔
اکِ فیس بُک صارفن چُھ نوٹ سیئر کرِتھ کیپشنس منز لیکوھمتُ زہِ “75 روپیہ نوٹس پیٹھ ‘رزق حلال عین عبادت’ عبارت غآب۔ شائد چُھ سٹیٹ بینکس پتہ لوگ متُ زہِ پاکستانس منز چُھ حلال کماون مشکل۔ لؤکھ گژھن نہ گنہگار ہنیِ بناونہ”۔
https://web.archive.org/web/20221018075852/https://twitter.com/AyazMalik77/status/1581353063117299712ٹویٹر تہ یوٹیوبس پیٹھ وائرل نوٹس متعلق دعویٰ کرنکُ آرکائیو لنک ہیکیو توہیِ یتیتھ، یتیتھ تہ یتیتھ وچتھِ۔
Fact check/ Verification
نیوز چیکرن کور اتھ نوٹس متعلق امہِ دعویٰ ہُک تحقیقات کرنہ خاطرء سٹیٹ بینک آف پاکستان ٹویٹر ہینڈل چیک۔ ٹویٹر ہینڈلس پیٹ آو اسہِ توٹس متعلق 30 ستمبر 2022 ہُک اکھ ٹویٹ لبنہ۔
ٹویٹس منز چُھ آمتُ وننہ زہِ نؤ 75 روپیہ نوٹ ییہِ پاکستان لوکن خاطرء ایس بی پی بی ایس سی کین تمام دفترن تہ کاروباری بینک کین تمام شاخن پیٹھ دستیاب تھاونہ۔ تہ یہ نوٹ یییِ کُنیِ تہ قسمہ کین لین دینن خآطرء استعمال کرنہ۔
ٹویٹس سآتِ چُھ ویڈیو تہِ آمتُ شیئر کرنہ، یتھ منز واضع چُھ یوان وچھنہ زہِ ‘حصولِ رزقِ حلال عین عبادت ہے’ عبارت چھِ نوٹس پیٹھ لیکتھِ۔
مزید تحقیقات خاطرء کور اسہِ بینک دولت پاکستان ویب سائٹِ پیٹھ 75 روپیہ نوٹس متعلق کیوڑد سرچ۔ سرچس دوران آئی اسہِ پی ڈی ایف فائل لبنہ، یتھ منز روپین ہنز اصل پہچان کرنہ خآطرء چھِ آمتِ ہدایات دینہ، تہ یِمن ہدایتن پیٹھ عمل کرتھِ کور اسہِ وائرل نوٹچ اصل پہچان تہ اسہِ آو لبنہ نوٹ کسِ اکسِ حِصس منز اکھ سفید دائرء یتھ منز ‘حصولِ رزقِ حلال عین عبادت ہے’ لیکتھ۔
توہیِ آسنِ ژیتس زہِ پاکستان چہِ آزادی ہندسِ 75 وہری کسِ موقس پیٹھ چُھ یہ نؤ نوٹ جاری آمتُ کرنہ، تہ مزید معلومات ہیکیو توہیِ ایسو سی ایٹ پریس آف پاکستان ویب سائٹِ پیٹھ پرتھِ۔
Conclusion
لہذا گو نیوز چیکر کسِ تحقیقاتس منز ثابتِ زہِ پاکستان کسِ 75 روپیہ نوٹس متعلق ہرنہ یوان دعویٰ چُھ غلط۔ اسٹیٹ بینک آف پاکستان کسِ جاری کرنہ آمتسِ نئیسِ نوٹس پیٹھ چھِنہ آمژ ‘حصولِ رزقِ حلال عین عبادت’ عبارت ہٹاونہ۔
Result: False
Our Sources
Tweet post by @StateBank_Pak on 30 Sep 2022
Gote a PDF State bank of Pakistan
If you would like us to fact-check a claim, give feedback, or lodge a complaint, WhatsApp us at 9999499044 or email us at checkthis@newschecker.in. You can also visit the Contact Us page and fill out the form.
